انواع الشباب >>شعر محمد الزبيدي^^

بعض الشباب لجرح خاطرك بلسم

والبعض يستمتع بجرح الخواطر ،،

بعض الشباب إذا تناجيه يفهم
وبعض الشباب الي يناجيه خاسر ،،

بعض الشباب إذا طلبته تلعثم
والبعض يوضع طلبتك بالنواظر ،،

بعض الشباب تبيعه بنص درهم
والبعض تشري شوفته بالجواهر ،،

البعض حاظر بسّ لو غاب أرحم
والبعض لوّه غاب في القلب حاظر،،

البعض حاز النايفه ماتكلّم
والبعض بسّ بْصف الأقوال شاطر،،

البعض يخطط ثم يشاور ويقـْدِم
والبعض يبقى طول الأيام حاير،،

البعض ودّه يرتقي ويْتعلّم
بسّ البعض يضحك على الي يذاكر! ،،

البعض من أوّل وقوع يْتحطّم
والبعض من يوقع يشدّ ويثابر ،،

البعض في زحمة همومه تبسّم
والبعض تستصعب شفاته تكابر ،،

البعضما يصبر لو الغض سلهم
والبعض مهما سلهم الغض صابر ،،

البعض يستر عن ذنوبه / يحشّم
والبعض يعلن إنّه إنسان فاجر! ،،

البعض يفخر إنّه بعقل رقـّم!
والبعض يفخر إنّه عاقل وطاهر ،،

البعض يسهر بالدعا والتندّم
والبعض دوم بغرفة الشات ساهر ،،

البعض يفرح لا تصدّق لمسلم
والبعض يلقى فرحته بالمظاهر ،،

البعض له في بلدة الخير معْلـَم
والبعض له بلده تعم المناكر! ،،

البعض منهم .. مايهم لو بيظلم
والبعض ما يظلم ولو كانقادر ،،

ومنهم الي يحبّ يكتب وينظم
ومنهم الي بلا كتابات شاعر! ،،